Þá er komið að Gosa frá Ytri-Skógum, það voru fimm ær sæddar með honum en það hélt bara ein og kom hún með hrút og gimbur. Hefði eftil vill átt að sæða kollóttu ærnar með Gosa þá hefði útkoman kanski orðið betri.

Þarna er Gosasonurinn en hann er undan Grimmd Eldarsdóttur.

Þrjár ær héldu með Lagði frá Hrísum en ein gekk upp, Fengum þar fimm gimbrar og einn hrút.

Þessi er undan Lagði og Angist Gránadóttur.
Hér fyrir neðan eru tvær af gimbrunum undan Lagð með móður sinni Aðgát svona líka fallega kollóttar.



Það fæddust þrír hrútar og ein gimbur undan Þrótti frá Fremri Hlíð.

Synir Þróttar og Bringu.

Og svona að lokum þá sæddum við þrjár ær með Grábotna, það fæddust lifandi 4 gimbrar og 2 hrútar. Það voru einhver álög á grábotnóttum hrútum hjá mér í vor og var mér greinilega ekki ætlað að eignast grábotnótta hrúta.Klukka gamla bar fyrst og fyrra lambið hennar var grábotnóttur hrútur sem hafði sjáanlega drepist fyrir nokkru því hann var byrjaður að rotna en svo átti hún svartbotnótta gimbur og það var allt í lagi með hana. Stuttu seinna bar Hödd þar er fyrsta lambið einnig grábotnóttur hrútur dauður álíka rotnaður og hinn en svo koma tvö svartflekkótt alheilbrigð lömbu en sem betur fer átti sú síðast bara þrjú hvít lömb enda amaði ekkert að þeim.
Í lok sauðburðar kom svo þriðji grábotnótti hrúturinn og hvað haldið þið? hann drapst í fæðingu en bróðir hans sem var hvítur komst áfallalaust í heiminn.( Sko það drápust bara þrjú lömb í fæðingu á þessum sauðburð hverjar eru líkurnar?. ) Mikið var ég fegin að það skildu ekki koma fleiri grábotnóttir hrútar.
Hérna fyrir neðan er svo mynd af Grábotnasyni sem var blessunarlega bara svartflekkóttur.

Þá er umfjölluninni um sæðislömbin þetta vorið lokið hja´mér á nú einhverjar fleiri myndir frá sauðburðinum set eitthvað af þeim inn seinna.

Auglýsingin hérna fyrir neðan minnir mann á að það fer að styttast í haustið. Þá er ekki seinna vænna en að fara að setja hérna inn myndir frá liðnu vori.
Það viðraði vel fyrir lambfé í vor þurrt og mun hlýrra en síðasta vor enda sóttu þær lítið heim eftir að þeim var sleppt út á túnið með einstaka undartekningum þó.
Hérna er mynd af Bliku og öðru lambinu hennar en hún er með tvo hrúta undan Ljúf frá Árbæ, við sæddum fjórar með honum en ein gekk upp og því fengum við 5 gimbrar og 2 hrúta í allt undan Ljúf.
Er mjög spennt fyrir gimbrunum undan honum, annars voru lömbin hans ekki að vekja neina sérstaka athygli mína fyrir glæsileik í vor en það á kanski eftir að breytast í haust.

Þarna er Blika að kvart yfir því hvort ég ætli virkilega ekki að fara að koma mér í fjósið því hún viti nú hvar fóðurbætirinn sé geymdur.

Við fengum 11 lömb undan Sigurfara frá Smáhömrum, fjóra hrúta og sjö gimbrar, sæddum 5 ær með honum og þar af tvo gemsa og þær héldu allar. Var mjög hrifin af lömbunum undan Sigurfara þau voru frekar fíngerð og ekki nema í meðalagi að lengd en svona fyrir minn smekk mjög falleg og holdþétt lömb. Hérna áður fyrr fannst mér hrútarnir frá Smáhömrum stundum vera að gefa frekar stór og gróf lömb nema helst Eir, svo lömbin náðu stundum ekki nægum þroska hérna hjá okkur sem erum ekki með eins góða haga. En það brást ekki að þetta væru feikna afurðarsamar kindur.


Hérna fyrir ofan er svo Snót með tvo hrúta og eina gimbur undan Sigurfara. Hún fær að ganga á túninu í sumar þar sem hún fékk ígerð í klaufirnar í vor og endaði á pensilíni en er greinilega öll að braggast. þessi mynd er tekin einn morgunin fyir stuttu.


Hérna er svo nær mynd af þeim hvíta.
Læt þetta duga í bili set inn fleiri myndir seinna.