Sauðfjárræktarfélag Helgafellssveitar og nágrennis

Félag með metnað
xxxxxxxxxxxxxxxxxxxxxxxxxxxxx

Héraðsmeistarinn 2018

Smella á hér fyrir neðan
http://isak.123.is/blog/2018/10/23/787643/


xxxxxxxxxxxxxxxxxxxxxxxxxxxxx

Um:

Formaður: Guðlaug Sigurðardóttir Ritari: Valdimar Kúld Björnsson Gjaldkeri: Guðrún K. Reynisdóttir Umsjón með heimasíðu: Sumarliði Ásgeirsson Ferðanefnd: Þorsteinn Kúld Björnsson og Gunnar Jónsson Fræðslufulltrúi: Harpa Björk Eiríksdóttir Reikn. Sauðfjárræktarfél. 0309-13-300141 Kt.150657-5639 Hrútafélagið Jökull 0309-13-300140 Kt.150657-5639

Tenglar

Flokkur: Vísur og ljóð

06.02.2015 22:00

Vísur Benjamíns 02.04.2012

 

Ég er að safna saman vísum sem hafa verið færðar félaginu við inntöku nýrra félaga,

þær fara allar undir sama flokk sem nefnist vísur.

Hér er vísa Benjamíns Ölverssonar  2. Apríl 2012

 

Heilsi ykkur dísir

að höfðingja sið

þuklandi kindur

og það undir kvið.

Bið ég um inngöngu

í félagið.

Trúlega eitthvað

sem formanni líkar við.

02.02.2015 14:23

Vísa Hannesar 21.11.2002

 

Ég er að safna saman vísum sem hafa verið færðar

félaginu við inntöku nýrra félaga,

þær fara allar undir sama flokk sem nefnist vísur.

Hér er vísa Hannesar Gunnarssonar 21. Nóvember 2002

 

Ég fjárrækt iðka eins og þið

og ætla því að ganga 

fjárræktar-í  félagið

á föstudaginn langa.

(H.G.)

26.01.2015 19:02

Vísur Símonar 28.02.2005

 

Ég er að safna saman vísum sem hafa verið færðar félaginu við inntöku nýrra félaga,

þær fara allar undir sama flokk sem nefnist vísur.

Hér eru vísur sem Símon Sturluson kom með 28. Febrúar 2005

 

Ber ég hér upp umsókn mína

um inngöngu í rolluklúbbinn

fjáreignin er Ásta og Lína

og öll væntanlegu lömbin

(S.S.)

 

Rollukalla kvæðin mörg

Kæta mig og hressa.

Svo Ásta, Lína og Anna

umsóknina blessa.

(Björg.)

 

Takið þennan trillusnáp

í tertuklúbbinn besta

þó að vanti skalla og skráp

og skilningsgáfu mesta.

(H.Þ.)

 

 

22.07.2012 17:48

Sumarkveðja.


Nú hljóta allir að vera glaðir með rigninguna, er þá ekki tilvalið að senda sumarkveðju.
emoticon

Ó, blessuð vertu, sumarsól,
er sveipar gulli dal og hól
og gyllir fjöllin himinhá
og heiðarvötnin blá.
Nú fossar,  lækir, unnir, ár
sér una við þitt gyllta hár,
nú fellur heitur haddur þinn
á hvíta jökulinn.



Þú klæðir allt í gull og glans,
þú glæðir allar vonir manns,
og hvar sem tárin kvika á kinn,
þau kyssir geislinn þinn.
Þú fyllir dalinn fuglasöng,
nú finnast ekki dægrin löng,
og heim í sveitir sendirðu æ
úr suðri hlýjan blæ.



Þú frjóvgar, gleður, fæðir allt
um fjöll og dali og klæðir allt,
og gangirðu undir, gerist kalt,
þá grætur þig líka allt.
Ó, blessuð vertu, sumarsól,
er sveipar gulli dal og hól
og gyllir fjöllin himinhá
 og heiðarvötnin blá.



 Svo er alltaf gaman að syngja þessa sumarkveðju.
emoticon


Ljóð Páll Ólafsson (1827-1905)
Myndir Þorsteinn Kúld, Sigríður Sóley og Helga.

09.12.2011 14:23

Tunglið í vexti sem betur fer.

Tunglið er merkilegt fyrirbæri finnst mér. Þegar ég kem í fjárhúsið þessa dagana blasir tunglið við mér, þegar ég geng að húsinu skoða ég tunglið vel og vandlega annars tek ég nú yfirleitt ekkert eftir því fyrir utan þessar fjárhúsaferðir mínar.
Eins og ég skil þessa merkidagavísu sem ég rakst á, sem betur fer fór tunglið vaxandi, og komið held ég í fullan vöxt sýndist mér í gær.

  Hátíð jóla hygg þú að.
Hljóðar svo gamal texti:
Ársins gróða þýðir það,
ef þá er tungl í vexti.
En ef máninn er þá skerður,
önnur fylgir gáta:
Árið nýja oftast verður
allt í harðasta máta.

Það hlýtur þá að verða góð frjósemi ef hleypt er til, þessa tungldaga.
emoticon



Flettingar í dag: 178
Gestir í dag: 28
Flettingar í gær: 111
Gestir í gær: 26
Samtals flettingar: 828977
Samtals gestir: 126042
Tölur uppfærðar: 19.7.2019 17:15:23