Sauðfjárræktarfélag Helgafellssveitar og nágrennis

Félag með metnað
xxxxxxxxxxxxxxxxxxxxxxxxxxxxx

Héraðsmeistarinn 2018

Smella á hér fyrir neðan
http://isak.123.is/blog/2018/10/23/787643/


xxxxxxxxxxxxxxxxxxxxxxxxxxxxx

Um:

Formaður: Guðlaug Sigurðardóttir Ritari: Valdimar Kúld Björnsson Gjaldkeri: Guðrún K. Reynisdóttir Umsjón með heimasíðu: Sumarliði Ásgeirsson Ferðanefnd: Þorsteinn Kúld Björnsson og Gunnar Jónsson Fræðslufulltrúi: Harpa Björk Eiríksdóttir Reikn. Sauðfjárræktarfél. 0309-13-300141 Kt.150657-5639 Hrútafélagið Jökull 0309-13-300140 Kt.150657-5639

Tenglar

Færslur: 2011 Júlí

27.07.2011 23:35

Heimalingar

Við erum svo heppin að vera með sjö heimalinga þetta sumarið. Það er að verða svolítil átök á matartímum að gefa litlu hjörðinni en nú orðið fá þau bara mjólk tvisvar á dag þegar lömbin fengu sem mesta mjólk fóru um 14 - 15 lítrar á dag. Þá var gott að eiga góða að emoticon


Ég reyndi að ná myndum af heimalingunum fyrir nokkru síðan en það gekk upp og ofan þar sem þau voru aðeins of áhugasöm um myndavélina og vildu endilega skoða hana nánar.

Í hópnum eru þrír hrútar tveir svartflekkóttir og einn hvítur allir kollóttir og fjórar gimbrar ein kollótt.

Þessi er þrílembingur undan Völundi.

Þessi er svo undan Kosti frá Ytri-Skógum.

Hérna er svo hún Blúnda en hún er þrílembingur undan Borða frá Hesti. Hef nú trú á að fleiri eigi nú myndir af heimalingunum sínum, hvernig væri að skella þeim hérna inn emoticon

25.07.2011 08:00

Yfirlitsskýrslur 2010

Hér koma afurðaskýrslur fjárræktafélags Helgafellssveitar og nágrennis fyrir árið 2010
fyrir veturgamlar ær og eldri ær.

Yfirlit 2010.pdf




23.07.2011 00:00

Ferðalag í júní.

Það er svo gaman að ferðast og koma á nýja staði. Við heimsóttum suðurland
 að þessu sinni og langar okkur aðeins að segja smá ferðasöguemoticon
Við fórum á fyrsta náttstað sem var Hvolsvöllur, þar er kaffihús sem heitir Hús Leirkerasmiðsins mælum með því, glæsilegir leirmunir. Komum að sjálfsögðu við á Seljalandsfossi og gengum bak við hann, það var flott. Þaðan var brunað að Þorvaldseyri þar fyrir neðan veg er komin Þorvaldsstofa sem er fræðsla um gosið og það sem þau eru að gera á Þorvaldseyri t.d.byggið byggmjölið og morgunkornið sem er ný afurð frá þeim, það er alveg þess virði að stoppa og skoða ( bóndinn á Þorvaldseyri var að hefja slátt þegar við áttum leið um ) svo var að sjálfsögðu stoppað við Skógafoss og keyrt heim að Skógum og skoðað og þá sáum við þetta skilti!

Áslaug systir mín var með okkur. Það er alveg ótrúlegt hvað heimurinn er stundum smár. Nú fór fjör að færast í leik og óð á okkur að segja Áslaugu frá Ytri-Skógum og hvað þar væri nú gert t.d. í sauðfjárræktinni, já sagði Áslaug pollróleg en eigum við ekki bara að fara heim á bæ og heilsa uppá fólkið, það verður örugglega tekið vel á móti okkuremoticon  Hvað meinar þú sögðum við bæði mjög hissaemoticon  Jú hún Gréta systir hennar tengdamömmu býr hér, í þessum töluðu orðum kom bóndinn á bænum og hófst spjall, jú um hvað annað en hrúta.  Ytri-Skógar fengu viðurkenningu fyrir Fannar 07-808 sem besti lambafaðir sæðingastövanna árið 2010.

Þarna var virkilega gaman að horfa yfir.
Svo var farið á Vík í Mýrdal gist þar eina nótt og bærinn og umhverfi skoðað sem og auðvitað aðalstaðurinn Víkurprjón, flottar vörur þar. Svo var haldið til Kirkjubæjarklausturs og þar skoðað og gengið um svæðið og hring um Systrastapa ásamt fleiru en þar er frábært tjaldstæði, kirkjubær II mælum sérstaklega með því. Tókum rúnt um Meðalland og fengum að kynnast öskubyl.
Þaðan lá leiðin í Skaftafell sem er algjörlega frábær staður og gott að vera, gengið þar um og mikið skoðað. Endað svo í humarveislu í Höfn Hornafirði ekki amalegt það og komið við á Þórbergssetri, að Hala í Suðursveit þar vorum við alveg heilluðemoticon
Setti fleiri myndir í myndaalbúm.
Kveðjaemoticon frá Hvarfi


20.07.2011 16:49

Yfirlitsskýrsla 2010

Hér er skjal,  kjötmatsskýrsla  félagsmanna 2010, ég veit ekki hvort hægt er að opna skjalið en þetta er tilraun.

KJotmat 2010(3).pdf



02.07.2011 18:06

áskorun

Takk Steini minn það þurfti að ýta á mig,emoticon en ég þurfti ekki að nota góða ráðið þitt en það er eins og í sauðfjárræktinni gott að vita af reynslu annara.
 Sauðburður gekk vel óþarflega stór burður, lömbinn frísk og hraust. Ég gleymdi að taka myndir.
Við Unnur erum með 107 ær, 22 veturgamlar, 28 tvævetlur og 57 fullorðnar. Það fæddust 173 lömb sem skiftist svona 0,86 lömb hjá veturgömlu,1,86 hjá tvævetlunum og 1,96 hjá fullorðnum. Við sæddum nokkrar ær og finnst mér lömbin 13 undan Boga vera mjög bollöng og þroskamikil. Lömbin undan Sokka eru 10 og þau eru hreint út sagt frábær ótrúlega breið og þétt algjörir hniklar þau eru ekkert of stutt( Óttar ) bara nokkuð góð bollengd. Lömbin undan Frosta eru 2 og virka fíngerð og voru minnst fædd. 4 lömb eru undan Borða og eru það mjög snotur lömb. 4 lömb undan Kveik falleg lömb en tvö þeirra eru hreinhvít og nokkuð bollöng. Við fengum  2 gimbrar undan Kalda sem voru mjög stórar fæddar. Af heima hrútunum er Vafi með flest lömbinn eða 55, Puntur frá Laugu með 30, Hljómur sem er mórauður lambhrútur með 17 lömb og Tenór grár lambhrútur með 17 lömb. Það fæddist mikið af mislitum lömbum þetta árið og nú er bara að sjá hvort eftirspurnin eftir mislitu frá í fyrra skili sér ekki í söluna núna í haust. 
 Þá er þetta orðið gott í bili. ÞÚ ÞARFT EKKI EÐ BÍÐA LENGI EFTIR NÆSTA BLOGGI STEINI MINN ÞÚ ERT BÚINN AÐ KVEIKJA Í MÉR emoticon   Ég reyni við þennan í haust
  • 1
Flettingar í dag: 66
Gestir í dag: 29
Flettingar í gær: 114
Gestir í gær: 26
Samtals flettingar: 832407
Samtals gestir: 126905
Tölur uppfærðar: 18.8.2019 23:54:46