Sæðingar gengu ekki eins vel og við vonuðumst eftir en aldrei þessu vant gekk mjög vel að samstilla kindurnar en þær voru sæddar á öðru gangmáli frá svampaúrtöku.

Við sæddum 10 kindur og hrútarnir sem við völdum voru Hrói, Grábotni, og Raftur, rosalega flottir hrútar. 4 kindur sæddar með Hróa tvær af þeim voru gamalblæsmur ekki kannski alveg að marka það en við vorum með tvo skammta ónýtta svo því ekki að nota þá en það gekk ekki, það var ein sem hélt. 3 voru sæddar með Grábotna þær héldu allar ( ein kindin er grábotnótt ). 3 voru sæddar með Raft það hélt engin af þeim og ein gengur ennþá síðast í síðustu viku var hún enn að ganga, sennilega ónýt? Við eigum eina kind undan Raft, gemlingsárið gaf hún okkur gimbur sem flokkaðist í R 3- og var fallið 14 kg. Flokkunin hjá okkur var, vöðvi 9,91 og fita 6,6 slátrað var 8 október. Lömb undan 1.vetra ám fjöldi 4 fallþ. 13.5 vöðvi 9,5 fita 6,8 það er rétt að láta það fylgja að þetta var ekki stór hópur.

En, svona standa málin ef við höfum reiknað þetta rétt út þá fer að koma að þvi bráðum en áætlaður burður á að hefjast 26 apríl.

Eiríkur hefur verið að kynna lambhrúta félagsins og fylgist ég spennt með því og vona að þeir komi allir á sýningu félagsins næsta haust, og talandi um hrútasýningu þá rak ég augun í þessi vísubrot sem ég verð að láta fylgja með.

Rýnt var í svipinn, rætt um gripinn

og ráðin gefin snjöll:

Fæturna styttið, fitið þið mittið,

fjarlægið hárlýti öll.

Tálgaðu klaufirnar, togið greiddu

og tennur þú bursta skalt.

Sælan hrútinn á sýningu leiddu,

en sjálfur þar kjafti halt.

Lifið heil

Kveðja frá Hvarfi

 F:Bogi 04-814 M: Rauðhetta 03-172 MF: Bjartur 00-641. Bjartur 09-508 var 52 kíló - fótleggur 111,