08.02.2012 17:50
Fósturvísatalning í Nýræktinni.
Fósturvísatalning
verður í Nýræktinni á laugardaginn 11 febrúar n.k. kl. 9¨
Upplýsingar gefur Högni Bæringsson í síma 8476758
Á myndinni eru Guðmundur, Guðbrandur, Högni, Steini Kúld og Einar Hólm.
Myndin er tekin við talningu 2011.
31.01.2012 21:34
Helstu niðurstöður skýrsluhaldsins á Hraunhálsi 2011
Datt í hug að skrifa aðeins um hvernig útkoman var á sauðfjárbúskapnum hjá okkur á síðasta ári.
Það var óvenju mikið af gimbrunum settar á eða seldar þetta haustið þannig að þau lömb sem enduðu í sláturhúsi voru að stórum hluta hrútlömb,þeim var flestum slátrað 22 sept en restin fór 5. okt.
Meðalvigtin var 18,3 kg, gerðin 10,3 og fita 8,0 þetta er ekkert ósvipuð niðurstaða og haustið 2010
þó eru þau tæpu kílói þyngri nú og gerðin örlítið betri en þau eru aðeins feitari. En það stendur til að reyna að ná niður fitunni næsta haust enda settum við á tvo hrúta undan Frosta og voru þeir talsvert notaðir en vonandi fer gerðin ekki sömuleið þ.e.a.s. niður.
Fullorðnar ær;
Eftir hverja á 37,9 kg. og á með lambi 36,4 kg., meðalfjöldi fæddra lamba 2,24 og lömb til nytja 2,03.
Veturgamlar:
Á með lambi 21,0 kg hverja á 19,1 kg.
Hérna fyrir neðan læt ég svo fylgja kjötmatsskýrslu eftri feðrum en það verður að hafa það í huga að lömbin eru misgömul,og mjög mismörg lömb voru sett á undan hverjum hrút.
Kjötmatsskýrsla eftir feðrum
04-814 Bogi fj. 1 fallþ. 21,0 kg gerð 11,0 fita 5,0 eink. 109,8
06-841 Hukki fj 2 fallþ. 21,3 kg gerð 12,5 fita 8,0 eink. 107,9
07-823 Blossi fj 2 fallþ. 21,1 gerð 11,0 fita 9,0 eink. 97,3
07-835 Sokki fj 4 fallþ. 20,2 gerð 12,5 fita 9,5 eink 99,9
07-843 Frosti fj 1 fallþ. 19,7 gerð. 11,0 fita 8,0 eink. 101,4
08-838 Borði fj 3 fallþ. 20,6 gerð 11,0 fita 9,0 eink. 96,1
07-442 Völundur fj. 12 fallþ. 17,6 gerð 10,3 fita 8,3 eink. 93,0
07-445 Lumbri fj 7 fallþ. 16,9 gerð 10,1 fita 7,9 eink. 100,7
10-435 Kappi fj 10 fallþ. 17,1 gerð 9,2 fita 7,5 eink 96,0
10-436 Drómi fj 8 fallþ 18,9 gerð 11,4 fita 8,0 eink. 111,5
10-437 Usli fj 16 fallþ. 19,3 gerð 10,1 fita 7,9 eink. 98,2
10-438 Köggull fj 14 fallþ. 17,3 gerð 9,9 fita 7,8 eink 99,6
23.01.2012 23:33
Túnrækt
Áður fyrr notuðum við yfirleitt Vallarfoxgras afbrigðið Engmo en síðustu fimm árin höfum við sáð Snorra.
Vorin 2009 og 2010 endurræktuðum við svo kallað blautastykki en það eru 8 samliggjandi tún samtals 8,9 hektarar við sáðum Vallarfoxgrasi í þau öll nema einn hektara sem við sáðum í Hávingli afbrigðinu Kasper. Í sumar var Hávingullin á öðru ári og hin á öðru og þriðja ári að meðaltali vorum við að fá 14-15 rúllur af hektaranum af þessum túnum í fyrra slætti Hávingullin gaf aðeins minni uppskeru en Vallarfoxgrastúnin í fyrri slætti en hávingullin var að gefa meira í seinni slætti.
Hérna fyrir neðan sjáið þið svo hvernig háin leit út
og hér er svo önnur mynd.
Hávingullin gefur að því virðist góðan endurvöxt og gæti því nýst vel til beitar og er að mörguleiti athyglis verð grastegund og svo á það eftir að skýrast hvað hún endist lengi í túnunum skilst að hún þoli illa svellalög því horfir kannski ekki vel fyrir henni þennan veturinn.
Þó það geti verið erfitt að múga vel sprottið Vallarfoxgras með dragtengdri múgavél var það en verra að múga Hávingulin og vorum við ákveðin í að sá ekki einu einasta strái af honum aftur nema við myndum kaupa okkur nýja múgavél en okkur er að renna reiðin svo það er aldrei að vita hvað við gerum í vor. Það hefði kannski gengið betur ef við hefðum þurkað hann betur, hann virðist þorna seinna en Vallarfoxgrasið.
Ekki er en þá komin reynsla á listugleikan þar sem við vorum bara að opna fyrstu rúlluna í dag en Kyrrð fékk að smakka og virtist líka ágætlega.
22.01.2012 15:05
Fundargerð
Aðalfundur Sauðfjárræktarfélags Helgafellssveitar og nágrennis, haldinn í Grunnskóla Stykkishólms 28.febrúar 2011.
Formaður Eiríkur Helgason setti fundinn og bauð fundarmenn velkomna.
Skýrsla formanns. 17. Apríl var farið í menningarferð og komið við á Haukatungu-Syðri 2 og Snorrastöðum var okkur vel tekið á báðum bæum og gaman að skoða og fræðast um búskapinn þar, síðan var kíkt á Mýrarelda hátíðina á Lyngbrekku og endað í mat á Vegamótum. Formanna fundur var á Hvanneyri í byrjun september þar sem farið var yfir störfin fram undan, lambamælingar og sýningar. Héraðsýning Snæf- og Hnappadalssýslu fór fram að þessu sinni á Hjarðarfelli og Haukatungu- syðri 2, 81 hrútar voru skráðir til leiks og varð Mundasonur frá Gaul í Staðarsveit héraðsmeistari en Lauga og Eyberg hrepptu annað sætið í kollóttum með lambhrút undan Völundi.
Sá hrútur sem er með hæsta BLUP (131) fyrir fitu í félaginu er Sprækur 05-475 F: Hylur 01-883 en Sprækur er nú í eigu Hólabúsins. Hæsta BLUP fyir gerð (124) hefur Breki 06-503 F: Lækur 02-031, Breki er frá Bjarnarhöfn. Fyrir frjósemi (116) er Toppur 05-056 hæstur F: Óður hann er líka frá Bjarnarhöfn og einnig sá hrútur sem hæstur er fyrir mjólkurlagni(115) en það er Funi 08-002 undan Frosta 07-081. Hæsta heildar BLUP hefur ( gerð +fita) svo áður nefndur Sprækur á Hólum 118,6. Afurða hæsta búið í félaginu árið 2010 er bú Gunnars Jónssonar á Álfhóli Sth. Með 43,3 kg eftir ánna og er hann í 3. sæti yfir landið glæsilegur árangur það. Afurðir félagsánna hafa annars verið örlítið á niður leið síðustu þrjú árin . 2008 voru 30 kg á á með lambi og hverja á 28 kg - 2009 30,2 kg á.m.l og hverja á 27,7 og núna 2010 29,4 kg á á.m.l og 27,3 eftir hverja á.
Reikningar. Gjaldkeri Þorsteinn K. Björnsson gerð grein fyrir reikningum félagsins, eign í árslok 2010 var 543.942 kr í ferðasjóði eru 36.727 kr. Voru þeir samþykktir samhljóða. Gjaldkeri vakti athygli á bágri fjárhagstöðu félagsins enda hefðu vaxta tekju dregist mjög saman og tap ársins væri 33.647 kr. Einhverjir félagsmenn skulda enþá félagsgjöld og hrútasýningargjöld og fór gjaldkeri fram á að fá samþykki fundarins til að senda þeim gíróseðil á þeirra kostnað ef ekki úr rættist og var það samþykkt af fundarmönnum. Nokkrar umræður urðu í framhaldinu um hvernig auka mætti tekjur og kom upp tillaga um að halda félagsvist og var talsverður áhugi fyrir því.
Inntaka nýrra félaga. Fimm aðilar óskuðu eftir inngöngu í félagi að þessu sinni en það voru ; Guðrún K. Reynisdóttir Gríshóli, Kristín Benidiktsdóttir Stykkishólmi, Líney Benidiktsdóttir Stykkishólmi, Lilja Jóhannsdóttir Stykkishólmi og Einar Jónsson Einarsstöðum Stykkishólmi . Var beiðni þeirra að sjálfsögðu samþykkt og þau boðin velkomin í félagið. Engin mætti þó með vísu að þessu sinni en við bíðum bara spennt eftir næsta fundi og gætum við þá átt von á vísna kvöldi ef að líkum lætur.
Afhending verðlauna og viðurkenningarskjala. Hrútasýning félagsins var haldin 3. Okt var hún vel sótt af mönnum og hrútum. Keppt var bæði í flokki veturgamalla og lambhrúta en úrslitin voru eftirfarandi.
Í flokki hyrndra veturgamalla var í fyrsta sæti hrútur Eiríks Helgasonar Vafi 09-510 faðir hans er Þróttur 04-991 og móðir Lind 06-002, stig 86,5
Í öðru sæti var hrútur Helgu og Þorsteins í Hvarfi, Póló 09-151 faðir hans er Mímir 06-035og móðir 0-732(frá Fáskrúðarbakka) stig 85
Þriðja sætið hlaut svo Bessi 09-182 Högna Bæringssonar Einarsstöðum faðir hans er Púki 06-807 og móðir er Bessa 05-147 stig 86
Í flokki veturg. kollóttra var í fyrsta sæti Puntur 09-431 frá Hraunhálsi faðir hans er Völundur 07-442 og móðir Döf 07-050 stig 86
Annað sætið hlaut Bjartur 09-508 Eiríks Helgasonar faðir Bjarts er Bogi 04-814 og móðir er Rauðhetta stig 86
Í þriðja sæti var hrútur frá Ögri, Þribbi 09-401 faðir hans er Grísi 06-394 móðir Trilla 04-647 stig 84,5
Í flokki veturgamalla mislitra var í fyrsta sæti hrútur Eiríks Helgasonar Grettir 09-509 en hann er gráflekkóttur faðir er Skrauti 07-826 móðir Gáta 07-034 stig 83,5
í öðru sæti hafnaði svo Höldur 09-432 en hann er í eigu Hraunhálsbúsins móflekkóttur faðir Skrauti 07-826 móðir Taska 05-211(frá Eiríki H.) stig 83
Þriðja sætið hreppti svo hrútur Gunnars Jónssonar Álfhóli Pjakkur 09-240 hann er mórauður hyrndur faðir er Fannar 07-808 og móðir Hildur 06-015 (frá Fossi) stig 82
Síðan var keppt um þrjá bestu lambhrútana óháð hornum og lit. Fyrsta sætið í þeim flokki hlaut lambhrútur nr. 219 frá Hraunhálsi faðir hans er Muninn 09-433 og móðir Tryggð 09-079 stig 84,5
Annað sætið hreppti lambhrútur nr. 18 frá Eiríki Helgasyni faðir er Vafi 09-510 og móðir Spyrna 09-078 stig 87
Í þriðja sæti hafnaði svo hrútur nr.180 frá Hraunhálsi faðir Mundi 06-832 móðir Samúð 08-075 stig 85,5
Önnur mál. Vakin var athygli á áhugaverðu námskeiði á vegum Sheepskill sem fyrirhugað er að halda áfram með á næstunni. Ferðanefnd kynnti væntanlega ferð félagsins fyrir Klofning sem fara á í Apríl. Fundir og hrútasýningar verða hér eftir auglýstar á heimasíðu félagsins og voru félagsmenn hvattir til að fylgjast með auglýsingum þar þegar sá tími er komin þegar vænta má þeirra. Héraðsýningin verður í höndum Búa og okkar félags í haust ( 2011) rætt var um áhuga á að vera með sérstaka sölubása á sýningunni.
Kosningar. Formaður átti að ganga úr stjórn en hann var endurkjörin samhljóða.
Fleira ekki gjört fundi slitið. Á fundinn voru mættir; Guðmundur Benjamínsson, Gunnar Jónsson, Þorsteinn Jónasson, Agnar Jónasson, Þorsteinn Kúld Björnsson, Eiríkur Helgason, Herborg Sigríður Sigurðardóttir, Hilmar Hallvarðsson, J. Eyberg Ragnarsson, Hannes Gunnarsson, Hermann Guðmundsson, Héðinn Fífill Valdimarsson, Lárus F Hallfreðsson, Högni Bæringsson, Magnús Valdimarsson, Álfgeir Marinóson, Kristín Benidiktsdóttir, Líney Benidiktsdóttir, Lilja Jóhannsdóttir og Guðlaug Sigurðardóttir.