Sauðfjárræktarfélag Helgafellssveitar og nágrennis

Félag með metnað
xxxxxxxxxxxxxxxxxxxxxxxxxxxxx

Héraðsmeistarinn 2018

Smella á hér fyrir neðan
http://isak.123.is/blog/2018/10/23/787643/


xxxxxxxxxxxxxxxxxxxxxxxxxxxxx

Um:

Formaður: Guðlaug Sigurðardóttir Ritari: Valdimar Kúld Björnsson Gjaldkeri: Guðrún K. Reynisdóttir Umsjón með heimasíðu: Sumarliði Ásgeirsson Ferðanefnd: Þorsteinn Kúld Björnsson og Gunnar Jónsson Fræðslufulltrúi: Harpa Björk Eiríksdóttir Reikn. Sauðfjárræktarfél. 0309-13-300141 Kt.150657-5639 Hrútafélagið Jökull 0309-13-300140 Kt.150657-5639

Tenglar

Færslur: 2009 September

25.09.2009 20:51

Heimsókn á Strandir

Á mánudaginn 21. september fórum við félagarnir Eiríkur og Bárður norður á Strandir að fylgjast með stigun lamba á Heydalsá I og II og Smáhömrum. Þar voru mættir ráðunautarnir Jón Viðar, Lárus, Kristján og Torfi ásamt heimamönnum, þarna voru skoðuð u.þ.b. 2000 lömb. Á Heydalsá er í gangi afkvæma rannsókn fyrir sæðingarstöðvarnar, voru þar hrútar úr Kirkjubólshrepp, Reykhólum og Árneshrepp.  Mikið var af fallegum lömbum og gaman að sjá svo mörg lömb með ólíkan uppruna saman komin á einum stað. Ráðunautarnir voru að vonast til að geta fengið fjóra hrúta á stöð úr þesari rannsókn. Þá er nú gott að vera búinn að sjá lömbin undan þeim og spá í hin ýmsu fjárbrögð sem þarna var að sjá.  Ferðin endaði með hrútasýningu á veturgömlum hrútum í Kirkjubólshrepp sem haldin var á Smáhömrum, þar voru mættir margir rosalegir dorrar, en í úrslit komust aðeins þeir hrútar sem náðu 86 stigum og 18 í læri. Besti hrúturinn var valinn Krókur frá Smáhömrum en hann er 87 stig með 19 í læri. 
Þetta var hin besta skemmtun og góð ferð. Myndir úr ferðinni eru undir menningarferðir.  

21.09.2009 11:20

Hrútasýning 27 sept

Kæru félagar og gestir við minnum á HR'UTAS'YNINGU félagsins á Hraunhálsi 27 sept kl 14.00.Hvetjum við alla til að koma.  (Biðjum þá félagsmenn sem tök hafa á að koma með eitthvað með kaffinu.)

16.09.2009 16:43

Dómar

Það er búið að sónarskoða og dæma lömbin hjá okkur á Berserkseyri, það voru Lárus og Torfi sem sáu um það. Ég lét skoða allar gimbrarnar og hrútana úr sæðingunum + nokkra vel valda undan heimahrútum. Gimbrarnar voru að meðaltali 40,7 kíló með 27,8 mm. bakvöðva 2,5 í fitu 3,9 lögun 8,5 frampart 17,4 læri og 8,1 í ull. Hrútarnir voru að meðaltali 50,3 kíló 29,4 mm. bak 3,1 í fitu 3,7 lög og 8 haus 8,4 hh 8,4 b+útl 8,6 bak 8,7 malir 17,6 læri 8 ull 8 fætur 8,6 samr 84,4 stig. 

13.09.2009 08:55

Smölun

Laugardaginn 12. september smöluðum við á Berserkseyri heimalöndin frá Tröllhálsi og heim straumhlíð það gekk mjög vel og heimtist vel enda mikið af smölum.
Lömbin virtust jöfn og góð og var meðal lífþungi 42 kíló. 
Það voru 133 ókunnugar sem góðir menn sáu um að koma til skila.
Þakka ég öllum smölum og réttar mönnum fyrir alla hjálpina.

11.09.2009 18:05

Loksins - loksins

Jæja nú er haustið að koma og við að vakna úr dvala, ég vona að félagarnir verði duglegir að blogga og setja inn myndir. Fyrsti haustfundurinn var haldinn 10. september í kaffistofunni að Fákaborg. Þar var skipulögð hrútasýning, sem verður haldin að Hraunhálsi sunnudaginn
 27. september kl 14.00 og eru allir velkomnir að vanda.  Í flokki veturgamlla hrúta verða valdir þrír bestu hyrndir, þrír bestu kollóttir og þrír bestu mislitir og ferhyrndir, enn í flokki lambhrúta verða valdir þrír bestu óháð lit og hornalagi.
  • 1
Flettingar í dag: 158
Gestir í dag: 28
Flettingar í gær: 111
Gestir í gær: 26
Samtals flettingar: 828957
Samtals gestir: 126042
Tölur uppfærðar: 19.7.2019 16:42:32