Nú er fengitíminn búinn hér á Berserkseyri og gekk vel. Fullorðnu hrútarnir allir heilir, við vorum með fjóra lambhrúta,einn undan sæðishrútnum Ás sem heitir Ása-Þór og var notaður á 16 ær annan undan sæðishrútnum Sigurfara sem heitir Litli Hamar og var notaður á 20 ær þriðji undan sæðishrútnum Garra hann heitir Gellir og sýndi engri kind áhuga og lembdi enga fjórði er undan félagshrútnum Hamri og heitir Áskell og var notaður á 9 ær svo var höfðinginn sjálfur hann Hamar hjá okkur 11.-12. des og lembdi hann 9 ær það gengu ekki fleiri þessa daga. Ég set hér mynd af okkur Hamri þegar að við vorum að kveðjast svo stökk hann uppí bíl hjá Laugu og var farin innað Hraunhálsi að sinna ám takk fyrir mig.

Gleðilegt nýtt ár

Það er nú þannig með mann um áramót þá horfir maður aðeins um öxl

og lítur yfir farinn vegog þá fer maður um hina ýmsu dali hugans,

 þá kemur nú ýmislegt í ljós sem hugurinn hefur verið að malla,

eitt og annað var fiktað aðeins við þó sauðfjárræktin hafi nú fengið

samt mestan tímann í hugsun og verki.

Það er nú líka allt í lagi að upplifa smá af sumri og litum núna

þar sem tíðin er nú ekkert spennandi um þessar mundir þó

að komi fallegur dagur inn á milli.

Við vorum aðeins að fikta við jurtir, ber og blómarækt.

Settum niður fræ og baunir og það kom upp svolítið.

Uppskera í Hvarfi sumarið 2014

Sáðum fyrir steinselju sem gaf vel af sér í sumar og fram á haust.

Heyfengur af túninu í Hvarfi.

Grænkálið varð stórt og mikið.

Gulrætur voru frekar smáar þetta árið.

Bláberja runni prófaður, og komu nokkur ber.

Settum niður litlar baunir og upp komu baunagrös sem báru blóm.

Nokkrir svona belgir komu.

Snjóbaunir, spennandi ræktun og prýðisgóð uppskera.

Jarðarber eða skinaldin.

Rósir.

Sáðum fyrir morgunfrúm sem lifðu vel fram í Nóvember.

Svo er líka komið niður Rabbarbari, Rifsberjarunnar og Sólberjarunnar sem lifðu síðasta vetur af og stækkuðu töluvert síðasta sumar.

Svo er náttúrulega sauðfjárræktin kapítuli út af fyrir sig