Í vetur ætla ég að kynna hrúta félagsmanna þeir munu koma einn í einu á bloggsíðuna og enda svo í myndaalbúmi undir félagshrútar. Við byrjum á hrút frá Laugu og Eyberg á Hraunhálsi hann heitir Ísskápur 09-450, F: Fannar 07-808 M:Hvönn 07055 MF:Hagur 05-440. Ísskápur ( nafnið er tilkomið vegna þess að Eyberg og Lauga fóru í Borganes að sækja sæðið, og fóru áfram alla leið til Reykjavikur að sinna öðrum erindum og fengu að geyma sæðisbrúsann í ísskápnum hjá Kristínu dóttur sinni ) hann er hvítur hyrndur og er gríðarlega þroskamikill og fallegur hrútur 60 kg í september. Ísskápur er heimaalningur og eins og sjá má á myndinni hefur hann fengið góða ummönum í sumar. Hann er 112 á fótlegg.

 ómv 34-5-4,5 stig : 8,0-8,5-8,5-9,0-9,0-17,5-8,0-8,0-8,0-8,5 = 85