Þessi réttur er með mínum uppáhalds, hann er fallegur, sumarlegur,

einfaldur og rosalega góður og heitir

kjöt með grænmeti ( frikasse).

fyrir 2

1/2 kg. lambakjöt (súpukjöt henntar best)

1/2 kg. hvítkál / blómkál

1/2 kg. gulrætur

1/2 kg. gulrófur

1 l. vatn

2 tsk. salt / kjötkraftur/ grænmetiskraftur

Sósa

40 gr. smjör

40 gr. hveiti

6-7 dl. soð 

vel af saxaðri ferskri steinselju

Kjötið látið ofaní soðið vatn með salti / kjötkrafti / grænmetiskrafti.

Þegar síður er froðan veidd ofan af.

Soðið í 25-35 mínútur. Gulrófurnar, gulræturnar og hvítkálið

hreinsað og brytjað.

Látið í pottinn og soðið í 15-20 mínútur.

Kjötið og grænmetið mega ekki fara í sundur.

Er því tekið upp, áður en sósan er búin til.

Búin til smjörbolla og soðið jafnað.

Saltað eftir vild og saxaðri steinselju hrært saman við.

Svo má leika af fingrum fram með grænmetistegundir, suðutíma og magn.

Hollt og gott.

Verði ykkur að góðu.