Ef einver veit um formann félagsins væri gaman að heyra frá honum hvað sé að frétta úr fjárhúsunum hjá þeim á Berserkseyri frá síðasta sauðburði nema að sauðburði sé ekki lokið eða er formaðurinn kominn með ritstíflu þá má prófa ormalyf.
Kveðja Steini Kúld
                                                                                                                                                               

Þessi mynd er tekin 29 maí 2011
Árnabotn í Hraunsfirði.

Neðri myndin er tekin 18 júni 2011.

Ytri Skógar undir Eyjafjöllum.

Fagurgrænt og fallegt.
þetta kom upp í kollinn úr sálinni hans Jóns míns.

Aldrei hafði hún áður séð
svo iðjagrænan reit,
og það var ekki þéttbýlið--
í þessari líka sveit.
Þarna sá hún sauðahjarðir,
sýlspikaðar ær.
--Jón hefði eflaust einhvern tíma
ágirnst sosum tvær.
Hin litlu lambaspörð
voru logagyllt og hörð.
--þetta hérað hlaut að vera
á himni en ekki jörð.

Vildi minna ykkur á dag sauðfjárræktarinnar á föstudaginn 24 á Hvanneyri frá kl 10 til 17.
nánari upplysingar á sheepskills.eu.
Ekki þurfum við að stressa okkur á heyskapnum!!!

Við rákum ærnar út af túninu 16 júní og þá gafst smá tækifæri til að spá í lömbin. Þrátt fyrir ömurlegt vor þá litu lömbin svona almennt ágætlega út, skildum þó eftir á túninu slatta af þrílembum og nokkra tvílembda gemsa og tvær júgubólguær sem fá að vera eitthvað lengur á túninu.
Ég var mjög ánægð með lömbin undan hyrntu sæðishrútunum og eru lömbin undan Borða sérlega falleg. Og það er meira að segja að rætast úr lömbunum hans Frosta, leist nefnilega ekkert sérstaklega á þau í vor þegar þau voru að fæðast fannst þetta óttarlegir krangar,

Frostasynir.

Þarna eru Frostasynirnir svoldið eldri og svei mér þá ég held það sé að rætast úr. þeim eru þarna með með móður sinn Steingeit en hún er undan Kveik.
Hukka lömbin komu mér skemmtilega á óvart, valdi hann aðalega vegna mjólkurlagni dætra en þetta eru snotur lömb.

Þessi eru undan Hukka og Firringu (Freradóttur Kuldasonar).
Aftur á móti var ég ekki eins hrifin af lömbunum undan kollóttu sæðishrútunum. Þessi eini Bogasonur sem við eigum er hörmung skil núna afhverju móðir hans dó stuttu eftir burðin, hún hefur dáið úr skömm þegar hún sá hvernig hann leit út, en það var nú óþarfi hjá henni að taka þetta svona nærri sér það var ekki við hana að sakast.
Blossa lömbin voru þó betri og ein gullfalleg gimbur í hópnum en ég efast um að við fáum ásetnings hrút undan Blossa en hver veit kannski eiga þeirr eftir að braggast.