Rak augun ofan í frystir í matvörubúðinni Samkaup í Búðardal á ferð minni um daginn þar í gegn og sá þessa vöru frá Norðlenska Akureyri.

Nú geta áhugamenn og konur um íslenskan þjóðlegan mat glaðst því hér eru sviðalappir til.

Ég vissi ekki að þær væru til í búðum.

Það gekk ekki þrautalaust að finna verðið, skanni sem stóð þar virkaði ekki og ekki skiljanlegar verðmerkingar og þá var að finna einhvern sem afgreiddi og sá kunni enga íslensku en bjargaði samt málinu og gat haft upp á verði sem var  2.100.- kr pokinn.

Mætti vera hér á miðanum, hvað lengi á að sjóða og hvað þarf að salta mikið. Giska á 1 msk. af salti í hvern lítra vatns og soðið þar til losnar frá beinum.         Flott framtak og er þetta ekki alveg rétti maturinn til að fá fullt af góðu próteini?