Flokkur: Vísur og ljóð
20.09.2011 13:02
Svona er lífið
Litla lambið.
Lambið hinsta er heimt af fjalli
haustið kemur með frosti og snjó.
Á því finnst naumast nokkur galli
Næg er fitan um hupp og bóg.
Góð í feld er gæran hvíta
Góð í sokk er ullin mjúk
Það er öldungis úti að skíta
undir hrímköldum fjallahnjúk.
Er það kemur í heimahaga
hnífinn brýni ég lengi og vel.
Byssuhólkinn ég hrifsa af snaga
högl og púður ég í hann tel.
Svo við ljóman sólarbjarta
satt og grandlaust lít ég það.
Geng svo mót því með glöðu hjarta
gegnum höfðuið skýt ég það.
Bregð svo hnífi á barkann unga
bunar dreyri í stampinn minn
upp í sviðunum titrar tungan
títt ég brosi í kampinn minn.
Hræri ég með hönd í blóði
hræri ég í erg og gríð.
Eins og afi minn Ari fróði
ávallt gerði í sláturtíð.
Gripinn fögnuði flæ ég búkinn
flestar lappir sker ég af.
Hristi úr görnum heitan kúkinn
Hluta lambið sem drottinn gaf.
Pott á hlóðir hreykinn set ég
hlakka yfir felldri bráð.
Ljúf mun stundin er lambið ét ég
Lifi sauðfé í drottins náð.
27.06.2011 23:04
Gróandi.
Árnabotn í Hraunsfirði.
Neðri myndin er tekin 18 júni 2011.
Ytri Skógar undir Eyjafjöllum.
Fagurgrænt og fallegt.
þetta kom upp í kollinn úr sálinni hans Jóns míns.
Aldrei hafði hún áður séð
svo iðjagrænan reit,
og það var ekki þéttbýlið--
í þessari líka sveit.
Þarna sá hún sauðahjarðir,
sýlspikaðar ær.
--Jón hefði eflaust einhvern tíma
ágirnst sosum tvær.
Hin litlu lambaspörð
voru logagyllt og hörð.
--þetta hérað hlaut að vera
á himni en ekki jörð.
- 1
- 2