Við förum á slóðir Steinólfs í Ytri Fagradal sem hefur frá mörgu að segja í þessari ágætu bók.                                                                                                                                        "Í Skarðskirkju er fræg altaristafla, talin gjöf frá Ólöfu ríku. Á henni eru uppstrílaðir trékarlar í mjög óhentugum klæðnaði og við einhver óskiljanleg verk. Einnig eru þar útskornar í tré rollur á beit í gylltum hlíðum. Altaristafla þessi var flutt alla leið til Frakklands árið 1910 og höfð meðal gersema á heimssýningunni í París það ár."

"Búðardalur á Skarðsströnd er sá eini og rétti Búðardalur í Dalasýslu. Ekki hefur fengist upplýst hver fann upp á því að kalla Fjósabakka í Laxárdal Búðardal. Búðardalur á Skarðsströnd er fornt býli og höfðingjasetur. Þar er mikið um huldufólk og heyrist tíðum sætlegur söngur í klettum ofan við bæinn."

Hér er mikill fróðleikur sem gaman er að lesa og hvet ég menn og konur að lesa fyrir menningarferðina sem á að fara 16. apríl n.k.

Eru ekki allir að fara í ferð?