Jæja svo skal haldið áfram inn í Ytri Fagradal. Þar tók á móti okkur Guðmundur Gíslason bóndi ásamt fjölskyldu sem tóku alveg frábærlega vel á móti okkur, sýndu okkur og sögðu frá því sem þau eru að vinna að t.d. byggingu fjárhúss, fjárræktinni, og mörgu fleira áhugaverðu. Það var tekið á móti okkur með skemmtilegu veisluborði og snilldarinnar hvannalambakjötsúpu með góðu brauði mmmh algjört æði. Eftir matinn var boðið upp á kaffi með meiru og krækiberjalíkjör sem er algjörlega frábær. Það var fætt eitt lamb sem er gimbur algjör drottning. Myndir voru víða um fjárhúsið af því sem heimamenn hafa fengist við og afurðatölur á blöðum um búið.
Veisluborðið.

Eftir að allir voru mettir var ótrúlega skemmtilegt skoðað, okkur boðið inn í vísinda og menningastofnunina. Þar var Dodge árg. 1970 sem Guðmundur var búinn að eyða 1500 klukkustundum í og sjóða 5 fermetra af járni, hann verður búinn nýjum sætum og innréttingum. Glæsilegur bíll hjá honum.

Verst að það náðist ekki betri mynd en glæsilegur er þessi bíll og mikil vinna sem liggur á bak við hann.
 myndinni eru Guðmundur, Sveinn, Gunnlaugur, Gunnar og valdimar.

Í Ytri Fagradal bjó Héðinn F. Valdimarsson okkar frábæri fararstjóri. Hann var frá fermingu að fimmtugu í Fagradal en þá kom hann í Stykkishólm.
Héðinn átti kindur fyrst þrjár og þær voru orðnar nær fimmtíu þegar hann fór.
Hann hafði slægjur og beit fyrir sínar kindur og átti alltaf nóg af heyi.

 Stefán Skafti Steinólfsson og Héðinn F. Valdimarsson  ánægðir að hittast.
Hér var tekið sérstaklega vel á móti okkur með hlýju og bros á vör og færum við þeim miklar þakkir fyrir frábæra móttöku.Virkilega gaman að koma í Ytir Fagradal.

Ég setti fleiri myndir í myndaalbúm.

Gleðilegt sumar og takk fyrir veturinn.

Kveðja Helga.

Jæja,  þá er lokið meiriháttar góðri ferð sem mig langar aðeins að segja frá og sýna myndir.
Við lögðum af stað í þokkalegu veðri en köflótt var það allan daginn og frekar lítið skyggni.
Fengum aldeilis flottan bíl, haft var orð á því að hér væu engir kotbændur á ferð.

Ferðinni var heitið inn í Ólafsdal, þungfært var vegna bleytu en allt hafðist það og vorum við í öruggum höndum Guðmundar bílstjóra.
Í Ólafsdal tók á móti okkur Valdís Einarsdóttir og sagði okkur frá staðnum.


Eyberg, Valdís,  Björgvin.

Ég setti inn nokkrar myndir í albúm undir menningaferðir.
Set inn næsta kafla úr ferðasögunni fljótlega og ég hvet ykkur kæru ferðafélagar að setja inn efni, því betur sjá augu en auga.
Takk fyrir góðan dag.

Kveðja Helga.

Hér kemur síðasti fróðleiksmolinn fyrir ferðina okkar og vona ég að þið hafið haft gaman af.

Björn Anton er fæddur og uppalinn í Stykkishólmi. Hann hefur alla tíð haft næmt auga fyrir því fallega í umhverfi sinu. Síðastliðin ár hefur hann verið öflugur áhugaljósmyndari og unnið með margvísleg viðfangsefni. Í þetta sinn eru það fossar og vatnsföll í Dölum.

 

Sýningin verður opin frá föstudeginum 15. apríl til miðvikudagsins 20. apríl. Sjá nánar opnunartíma Leifsbúðar. Allir velkomnir!

Hér eru sýnishorn af myndum sem Toni hefur tekið.http://flickr.com/baeinarsson

Svona verður þetta bráðum hjá okkur, sauðburði lokið áður en við vitum af og sumarið komið.

Og að lokum falleg sumarmynd af Fellsströnd.

Þá er komið að lokaferðaáætlun, aðeins smá breyting.
Lagt verður af stað kl 09.00 fá Bensó

Stoppað í Búðardal og fararstjóra hleypt út á dvaló.

Svo verður ferðinni heitið inn í Ólafsdal, leiðsögn um staðinn og ef einhver hefur áhuga á Ólafsdalsfélaginu, stendur það öllum opið og eru félagsgjöld 5.000- kr á ári.

Ytri Fagridalur næsti viðkomustaður. Við erum öll hjartalega velkomin í Ytri Fagradal, þar verður boðið upp á hvannalamba kjötsúpu eins og menn geta í sig látið. Og fjárhúsin skoðuð að sjálfsögðu.

Þjófagjáin á Heinabergi skoðuð og þar á eftir Surtabrandsnáman.

Geirmundarstaðir ( þaðan kemur stöðvahrúturinn Hrói 07-836 ) fjárhús skoðað.

Þar á eftir keyrt niður að Skarðsstöð og því næst farið í Skarðskirkju.

Stoppað verður að Ballará og fólki hleypt út, sá sem finnur Snorraskjól, finnur það á því að honum rís hold að þarfalausu einum á ferð.

Stoppað verður á útsýnisplani við Langeyjanesafleggjara ef veður leyfir og síðan keyrt inn Fellsströnd og farið um efri byggð.

Að lokum verður komið við í Búðardal og skoðuð ljósmyndasýning Björns Antons Einarssonar.

Þar verður hægt að enda í léttum kvöldverði.

Áætlaður komutími í Stykkishólm kl. 21.00

Fararstjóri Héðinn F. Valdimarsson

Bílstjóri Guðmundur Þór Guðþórsson

Fargjald í rútu  kr. 3.000- á mann.

Verð á hvannalambakjötsúpu kr. 500- á mann.

Ferðafélagar þurfa á hafa fargjaldið og pening fyrir kjötsúpunni í beinhörðum peningum og greiða við inngang á langferðabíl þar sem háttvirtur gjaldkeri mun taka við greiðslum.

Farið verður stundvíslega kl 09.00.     ENN ERU ÖRFÁ SÆTI LAUS.

Kveðja frá ferðanefnd.


Héðinn F. Valdimarsson Selskógum fararstjóri.       Gunnar Jónsson Álfhóli ferðanefnd.

Á næstu dögum koma hér fróðleiksmolar um þá staði sem farið verður á eða framhjá.
Það kemur einn moli á dag næstu daga en bendi á frábæru síðuna hjá þeim í Dalabyggð
þar er mikill fróðleikurhttp://dalir.is/  Hér fyrir neðan er fimmti molinn.
Og til gamans má geta þess að á laugardaginn 9 arpríl s.l. var slegið met í gestakomu á síðuna en alls voru gestir 120 og flettingar 860. Takk fyrir komuna gott fólk.