16.10.2018 14:08
Héraðsýning lambhrúta á Snæfellsnesi 2018
Héraðssýning lambhrúta á Snæfellsnesi verður haldin laugardaginn 20. okt 2018.
- Fyrri hluti sýningarinnar verður haldinn að Hofstöðum í Miklaholtshreppi og hefst kl. 13.00.
- Kvenfélagið Liljan í Eyja- og Miklaholtshreppi verður með veitingasölu á Hofstöðum
- Seinni hluti sýningarinnar verður haldin að Haukatungu Syðri 2 Kolbeinsstaðarhreppi og hefst kl. 20.30.
Verðlaunaafhendingin verður að lokinni sýningu í Haukatungu.
Við viljum hvetja sauðfjárræktendur að mæta með sína gripi á sýninguna og taka þátt í uppskeruhátíð sauðfjárræktenda á Snæfellsnesi.
Nefndin
Reglur vegna lambhrútasýningar Snæfellsnesi
* þetta er eingöngu sýning á lambhrútum.
* Hrútar verða að vera fæddir á Snæfellsnesi og því má ekki koma með aðkeypta hrúta.
* Allir hrútar skulu vera stigaðir, þeir verða ekki stigaðir aftur heldur verður stuðst við fyrri stigun.
* Nauðsynlegt er að koma með stigun hrútanna með á sýninguna. Ef það er ekki gert, er viðkomandi hrútur ekki með í sýningunni.
* Hvert býli má koma með 3 hrúta í hverjum flokki. þ.e. 3 kollótta, 3 hyrnda, og 3 mislita og/eða ferhyrnda.